Koordenatu sistema galaktiko

{\displaystyle l} — Koordenatu galaktikoen jatorria Eguzkia da. Longitude galaktikoa ( *$l$* ) Eguzkitik erdigune galaktikora Diab norabidearkin neurtzen da. Latitude galaktikoa ( *$b$* ) objektuaren angelua neurtzen du plano galaktikoarekiko.

Koordenatu sistema galaktikoa koordenatu esferikotan dagoen koordenatu sistema da, erdigunean Eguzkia duena, norabide nagusia Esne Bidea galaxiaren balizko erdigunearekin lerrokatua dagoena eta oinarrizko planoa plano galaktikoarekiko paraleloa dena. Eskuin eskuaren araua darabil, hau da, koordenatuak positiboak dira iparralderuntz eta oinarrizko planoan ekialderuntz^[1].

Longitude galaktikoa

Longitudeak ( $l$ ikurra) objektu baten ekialderazko distantzia angeluarra neurtzen du erdigune galaktikoa jatorri hartuta. Lurreko longitudea bezala, gradu sexagesimaletan (°) neurtzen da.

Longitudearen arabera, Esne Bidea lau koadrante galaktikotan banatua dago:

1. koadrante galaktikoa – 0° ≤ longitudea (ℓ) ≤ 90°^[2]
2. koadrante galaktikoa – 90° ≤ ℓ ≤ 180°
3. koadrante galaktikoa – 180° ≤ ℓ ≤ 270°
4. koadrante galaktikoa – 270° ≤ ℓ ≤ 360° (0°)

Latitude galaktikoa

Latitudeak ( $b$ ikurra) objektu baten angelua neurtzen du ipar edo hegoalderuntz ekuatore galaktikoarekiko (oinarrizko planoarekiko) Lurretik ikusia, positiboa iparralderantz eta negatiboa hegoalderuntz. Adibidez, iparburu galaktikoaren latitudea +90° da. Lurreko latitudea bezala, gradu sexagesimaletan (°) neurtzen da.